انا تايه انا تايه حد يوصلني

[abohammzaa]

انا اخيكم ابو حمزه انا خريج تكنولوجيا التعليم جامعه المنيا
نفسي اعرف حاجه واحده فايده الشهاده بتاعتنا ايه
او ايه الطرق اللي ممكن تودصلني للعمل في مجالي وازي اوصلها
انا تايه وتعبان
وحد يوجهني ضروري
سلام عليكم

http://www.khayma.com/education-technology/vb/pxl/0c96501555.gif

[بانسيه]

عليكم السلام ورحمة الله وبركاته
الزميل الفاضل إذا كنت تبحث عن وظيفه حكوميه فهذا شيء صعب الافى حاله واحدة اذا عملت فى مجال مدارس المجتمع والمدارس الصغيرة حيث تجمع اسماء عدد من التلاميذ المتسربين من التعليم وتتقدم بهم الى الادارة التعليمية التابع لها مقر سكنك وتطلب فتح فصل فى احد المدارس القريبة من منزلك على ان يكون السن من 6 الى 14 سنه واذا كنت تسكن منطقة نائية يمكن ان يكون الفصل فى اى مكان وسرعان ماتتولى الحكومه انشاء المدرسة اذا توفرت الارض وهذه حقيقة وليست كلام او انك تبحث عن مسابقات الوزاره ولكن عليك الحصول اولا على دبلومه مهنية على الاقل مع دورة قيادة الحاسب الآلى واللغة الانجليزية
كما يمكنك العمل فى المدارس الخاصة
بالاضافة لما سبق يمكن فى وقت الفراغ زيادة دخلك بالعمل مع شركات الدعاية والسياحة وغيرة عن طريق تصميم أعمال ببرامج العروض التقديمية والفلاش وغيرها
ليس هذا فحسب بل يمكنك تصميم برامج تعليمية على اسطوانات عمل وسائل ايضاح للطلبة فى المنطقة التى تعيش فيها
كما يمكنك شراء جهاز كمبيوتر مستعمل وتدريب الاولاد (كورس كمبيوتر) أو استخراج الأبحاث من على النت للطلبة الذين ليس لديهم امكانات شراء كمبيوتر .........والأفكار كتير والى ايمانه كبير بالله وعارف ان كل شيء نصيب سوف يرضى بما قسم له وبالتالى يبعد عن التشاؤم فتهدأأعصابه ويستطيع أن يفكر تفكير سليم يصل من خلاله لأفضل الحلول لمشكلاته
وعلى فكره لايوجد احد خالى من المشاكل لو جلست مع عشرات بل مئات البشر وسمعت قصصهم ومعاناتهم سوف تحمد الله سبحانه وتعالى لأنك ستشعر أنك تعيش فى نعيم لاتسخر من كلامى جرب واسمع الناس حتلاقى نفسك لو فى ظروفهم لن تستطيع التحمل لأنه ببساطه هناك فروق فردية بين البشر فما تتحمله انت لايقدر عليه الآخرون والعكس صحيح والله سبحانه وتعالى عادل ورحيم يعطيك ماتتحمله حتى تتذكره دائما وقت الشده وفى الرخاء تحمده ليلا ونهارا
(انت عايز تدخل الجنه من غير ماتتعب ؟ )
جعلنا الله جميعا من المؤمنين الصابرين فى السراء والضراء

[abohammzaa]

لا صعب صعب الكلام ده مش واقعي
وانا اتحدى حد ينج فيه
انا عايز كلام واقعي

http://www.khayma.com/education-technology/SHAPES/22063e247f.gif

[بانسيه]

مشوار الألف ميل بيبدأ بخطوه إبدأ وجرب وبعد كده حدد مدى الصعوبه لتضع بدائل الحلول لمواجهة هذه الصعوبه انا بدأت كده ومازلت أعمل فى الفصل الواحد رغم تخصصى الا اننى أكتب واستخرج الأبحاث من على النت وأكتبها لمن يرغب وهذا يساعد فى زيادة الدخل وذلك فى المنزل بعد عودتى من المدرسه وانتهاء أعمالى المنزليه ومسئولياتى العائلية ,وقبل أن أشترى كمبيوتر (نص عمر) كنت أشترى الهدايا والاكسسوارات وابيعها للبنات والمدرسات فى المدارس المجاوره أضعهم عند زميله وآخر النهار آخذ الحصيله حتى عرفو مكانى واشتروا منى مباشرة ولا تقول" انتى سيدة وهناك من يصرف عليكى اما انا فأريد ان اكون اسره" لأن الاجابه عليك ستكون أنت لاتعرف ظروفى أو حجم المسئوليه الملقاه على عاتقى أو المطلوب منى إنجازه لأن النهاردة فى زماننا الصعب لاشيء يكفى وليس هناك حدود لطموحات الإنسان لكن المهم أن أبدأ وأمسك أول الخيط وأنظم نفسى وأضع أولويات وأبذل أقصى جهد أى أصل الليل بالنهار قدر إستطاعتى وفى النهايه لكل مجتهد نصيب لأن الله لايضيع أجر من أحسن عملا وقوله سبحانه وتعالى حق ولا جدال فيه
إبدأ الآن ولكن بثقة فى الله وايمان أنه سيساعدك وييسر لك الأمر إذا كان ضميرك خالص لوجه الله الكريم العظيم الذى يفرج كل الكربات ويعطى كل محتاج إذا كان فى هذا العطاء خيره فى الدنيا والآخره ويمنعه إذا كان فيه شر فى الدنيا أو الآخره لأنه لايعلم الغيب إلا الله اعمل وتوكل على الخالق سبحانه وتعالى فهو الرزاق ذو القوة المتين وإدعوا الله دائما لأن الدعاء مخ العباده وهو سبحانه وتعالى مجيب الدعاء "وقل ادعونى أستجب لكم" صدق الله العظيم إذا الإجابه وارده لامحاله ولكن فى الوقت المناسب الذى لايعلمه الا الله وفقك سبحانه وتعالى الى مافيه الخير والسعاده لك ولذويك فى الدين والدنيا والآخره

[بانسيه]

نداء

إلى كل أولياء الأمور ورجال الدين وأصحاب الخبرة والأساتذه والمتخصصين أرجوا المشاركه فى الرد على الزميل ومساعدته فى التخطيط لحياته والخروج من حاله اليأس التى يشعر بها وجزاكم الله الخير كله

[abohammzaa]

اه والله انا في حاله يأس شديده
وللأسف مري ما تاجرت ولا اعرف في التجاره حاجه انا فعلا في حاله يأس وضيق شديده

http://www.khayma.com/education-technology/SHAPES/alslaeh.gif

[المحبة فى الله]

انا لسه متخرجة وبصراحة معنديش فكرة ازاى ممكن توصل لوظيفة حكومية او ......
المهم انا فى رأيى انك فى دراستك لتكنولوجيا التعليم اكتسبت مهارات كتير ليه متستغلهاش دور فى امكانياتك والخبرات اللى اكتسبتها يعنى مثلا انا اعرف ناس اشتغلت فى مجال التصوير وفتحت استوديو تصوير فوتوغرافى وعايشين منه وفى ناس تانية اشتغلت فى مجال تصوير الفيديو وعملوا فريق وبقوا يصوروا افراح وبقوا معروفين وما شاء الله عليهم ممكن كمان انك تستغل امكانياتك فى الكمبيوتر وتنتج برامج تعليمية وتنتج وسائل تعليمية وتبدأ تسوقلها فى المكتبات
فى افكار كتير ممكن تكون بداية لنجاحك واثبات ذاتك حاول تفكر بايجابيه ودور فى امكانياتك وقدراتك وحاول تكتسب خبرات كتير فى مجالات تانية بحيث انك يكون عندك مصادر كتير تعتمد عليها
مش عارفة رايى حيعجبك ولا لا بس صدقنى شوف امكانياتك وقدرانك وربنا يوفقك
ان شاء الله
ومتنساش انك تتفائل "تفائلوا بالخير تجدوه" ومفيش حاجة بتيجى مرة واحدة لازم نتعب ونقع عشان نقوم تانى
ربنا يصلحلك الحال ان شاء الله
اختك
المحبة فى الله

http://www.khayma.com/education-technology/SHAPES/a4.gif

[abohammzaa]

الظاهر من كلامكم ده إن المجال اللي انا شكلي غلطت واختارته مينفعش يتحب لانه مش هيتعمل بيه حاجه بس الدكاتره فالحيين اعمل وسوي والله لو اعرف ان ده هيحصل مكنتش كملت يالا كل شىء بقدر ولو إطلعتم على الغيب لإخترتم الواقع
انا حاليا شغال في شركه ديكوور يعني بعيد خالص عن مجالي الحمد لله

http://www.khayma.com/education-technology/SHAPES/fe381e5065.gif

[بانسيه]

هذه هى البداية فقط لتسطيع الحصول على دخل سريع لكن يمكنك ان تعيد قراءة الردود السابقة وتفكر ماذا تستطيع ان تفعل فى وقت فراغك وكيف يمكنك ان توظف مادرسته فى تحسين احوالك المعيشية وان لم يكن لديك وقت فراغ فيجب ان تحاول توفير هذا الوقت وان تستغل كل ثانية فالحياه جهاد والمسئولية كبيرة وربنا يوفقك وتاكد انك افضل من غيرك بكثير لأن لديك الكثير من المعلومات والمهارات التى لاتتوفر لغيرك وحاول الاتصال بأمانة الشباب فى الحزب الوطنى بدائرتك وستجد عندهم أفكار كثيرة ووسائل متعدده لمساعدتك وربنا يوفقك انت وجميع شباب الأمة العربية والاسلامية

[abohammzaa]

حزب وطني
مين هما عارفين يساعدوا نفسهم وبعديين دول حرامية شغلونا قبل كده شغلانه اتكسف اقولك كنا بنعمل ايه من تفاهتها وكلوا عليا الفلوس
ثانيا انا خلاثص انا فقدت الامل بنسبه ميه في الميه

http://www.khayma.com/education-technology/SHAPES/037cw3.gif

[بانسيه]

http://www.khayma.com/education-technology/SHAPES/uaekeys26.jpg




العشم فى وجه الله خير والأمل دائما مفتاح لكل الأبواب المغلقه واذا كنت صادفت مجموعة تعمل لمصالحها الخاصة فهناك آخرون يعملون للصالح العام كما قال رسول الله صلى الله عليه وسلم (الخير فى وفى امتى الى يوم القيامه )اتمنى ان تطمئنا عليك باستمرار وتطلعنا على اخبارك اول بأول وربنا يسهل ويكون هناك مخرج باذن الله وكن واثق من ان الله خلق كل شيء بقدر معلوم وله وقت محدد لحكمه لايعلمها الا الله وكله دائما فى صالح الانسان اذا صبر وحمد الله فى الضراء كما يحمده فى السراء فقد قال (تعالى ولإن شكرتم لأزيدنكم )
والله لن تجد انسان على وجه الارض بدون مشاكل او معاناه ربنا معاك ويوفقك ويسمعنا عنك كل الخير ويقدرنا على مساعدتك
كما اتمنى ان تدخل على الملف الخاص بك وتعدل الدوله لأنك من مصر الوطن ليس له ذنب فيما يحدث العيب فينا نحن اتمنى ان ارى اسم مصر مرتبط باسمك وكذلك المحافظة التى تنتمى اليها لعل احد رجال الأعمال او المستثمرين فى منطقتك يطلع على مشكلتك ويكون هناك حل باذن الله

[بانسيه]

اكرر الدعوه مرة اخرى لرجال الأعمال وأصحاب المصانع والشركات ومن لديه فرصة عمل فى مجال الكمبيوتر او تصميم البرامج التعليمية ان يرسل دعوه لزميلنا الفاضل لكى يعلم ان الدنيا مازالت بخير وان الله مع الصابرين المجاهدين

[abohammzaa]

waiting>>>>>>>>>>>>>>>>>>>>>>>>>>>>>>>

http://www.khayma.com/education-technology/SHAPES/46.gif

[tradi]

أخي abohamzaa

أنا عندي مشروع انتاج مناهج تعليمية سأبدا في تنفيذه قريبا، نوفمبر 2008.

إذا كان لديك الاستعداد للعمل به الرجاء مراسلتي على ايميلي
info@4training.ws

تفضل بريارة موقعنا لتأخذ فكرة عن طبيعة أنشطتنا.

www.4training.ws
www.4training.ws/study-abroad

[amal]

بعد السلام ... انــا عضوة جديدة بالمنتدى ومن اطلاعى على موضوعك ومشاركة الاخوة لك اجد انك واصل لمرحلة من اليأأأأأس التى معها يصعب رؤية اى شئ ...ونصيحتى لك : انه اولا لابد ان تضع بداخلك كلمة ( الرضا ) ليست ككلمة ولكن احساس وهذا لن يتم الا ان يكون بداخلك هدف ان تصبح شئ انا عارفة ان المعوقات كثيرة لهذا الجيل ولكن الاكيييييد ان تكون واثق ان الله لايضيع اجر من احسن عملا وبناء عليه اعمل اللى عليك .. واضح انك غير راضى عن عملك مع ان عملك فى العصر الحالى تستطيع ان تعمل دمج بينه وبين مجالك بصورة رائعة بس اجلس مع نفسك قول ( ازاى افيد واستفيد من مجالى ) على فكرة كل انسان يقدر يحدد مواهبه فين وقدرته تصل الى اى حد ومؤقتا لابد ان تحب ما تعمل حتى تجد نفسك تعمل ما تحب .... النصيحة الاكيدة كل ما تعاند مع الدنيا ثق انها لن تعطيك ما تريد ولكن اذا جعلتها وسيلة حتى تصل الى غاية اكبر وهى رضاء رب العالمين اولا والذى منه تصل الى الرضا النفسى وصدقنى ما دام بداخلك هذا السؤال وتبحث عن اجابة معناه انك تريد ان تصبح شئ وسوف تصل باذن الله ....... اخيرا وليس اخرا لاتبعد عن الاصدقاء الذين يريدو لك الخير وابعد عن الاحباط .........اتمنى ان يكون كلامى مفيد لك ولك من احيط بظروف جعلته يشعر بمثل هذا الحال ..... والسلاااااااام @

[اسماء مكرم]

والله انا مش عارفه اقول ايه بس انا فى نفس الكليه وياترى مصيرى هايبقى نفس مصيره

[هاجر حسام متولى]

انا رايى ان الانسان لو استمر بقوله انه اختار غلط بكده مش هينجح خالص
لازم يحاول ويقول لنفسة انا صح وهكمل وهنجح وهحاول وايه يعنى لو فشلت اجرب تانى
يعنى لازم يكون متفائل
"علمتنى الحياه التفاؤل فى كل حين وان التشاؤم لا يحل بقلب فتا عامر باليقين "
بدلا من ان تعلن الظلام اوقد شمعته
واتمنى لك يا ابو حمزة كل خير وان تحقق ما تريده ان شاء الله
واتمنى لصديقتى اسماء كل خير

[ramzy]

ربنا يوفق الجميع أخى ابو حمزه فهناك الكثير من المواقف التى يجد الانسان فيها نفسه عاجزا عن فعل اى شئ والتي قد تكون فرضت عليه لانه ليس امامه شئ سواها فانا يا اخى الكريم اوفقك الراى فيما تقوله ولا اقول لك ان الحياه ورديه وجميله وسهله مثل ما قالت احدى الاخوات المتفاءلات وكأن عندها الحل لكل ولأى مشكله لكن ما اقوله لك انك من الممكن ان تثبت نفسك اولا فى نفس مجال العمل اللى بدات العمل به حاليا حتى تستطيع ان تواجه متطلبات الحياه حتى وان كانت المواجهه صعبه ويا عالم يمكن هو ده المجال اللى هتقدر تعمل فيه حاجه وليس شرطا ان تعتمد على ما درسته فى توفير دخل لان زى ما انت عارف ان الحصول على شهاده دراسيه ليس شرطا للحصول على وظيفه متعلقه بنفس مجال الدراسه وجود الشهاده دلوقتى بقى له اهداف اخرى غير الحصول على وظيفه مثل الزواج والشكل الاجتماعى امام الناس اما بالنسبه لانك حاسس انك ضيعت الوقت فى اتك درست شئ مش مفيد انا متهيألى انك كده كده كنت هتضطر انك تأخد دورة او كورس كمبيوتر لو انك كنت انهيت الدراسه بأى كليه اخرى ولو انى على حسب معلوماتى ان طلبة تكنولوجيا التعليم اصلا ما بيدرسوا الكمبيوتر بشكل مباشر زى ما الكل معتقد المهم اعتبر نفسك ان معاك دورة الكمبيوتر واللى ممكن انها تساعدك وتميزك عن اى حد ممكن يكون فى نفس ظروفك وبعدين مش مهم انت هتبدأ بايه المهم انت هتبدأ من فين وبعدين احمد ربنا انك لاقيت شغل ومعلش انا لى تعقيب اخير على طريقة احدى الاخوات فى انها تعملك طلب نداء عاجل لطلب وظيفه فليس حضاريا ان تفعل.......................... ....

[thinker]

أنا خريج تكنولوجيا تعليم دفعة 1996 وأعمل الآن بالسعودية مدرس كمبيوتر وأعمل في مجال الطباعة وإعداد البحوث. صحيح إمكانياتي في الحاسب مش زي ما أنا عايز لكن باجتهد أتقن البرمجة والتصميم، فبقول للأخ أبوحمزة لا يأس مع الحياة ولا حياة مع اليأس وإذا ضاق بك الرزق في مكان شوف مكان تاني.

[essam hassan]

السلام عليكم معكم عصام حسن مصري خريج تكنولوجيا تعليم 97 بصراحة وظيفة اخصائي تكنولوجيا تعليم في الوطن العربي ليس لها محل من الاعراب لانه ببساطة كده لسه بدري علينا الفكرة حلوة لما انشأوا قسم تكنولوجيا التعليم ولكن هيهات بين الاحلام في صفحات الكتب والواقع المعاش في اغلب المدارس والمراحل وفي معظم البلاد العربية وكمان خريج تكنولوجيا التعليم مش مؤهل مضبوط متخرج وهو حافظ مش اكتر ومفيش تعلم حقيقي قائم على المراس والتجربة وورش العمل ،

[memo_78]

أنا لست أفضل حالا منك
أقول لك على حاجة توجع انا شفت في برنامج صناع الحياة في الحلقة الثانية شاب زي القمر بيصمم برامج للشركات بلسانه لأن لديه شلل رباعي وحاطط حامل شفاف فوق رأسه ليتمكن من القراءة وأخته تصفح له الكتاب الذي يقرأه والواد ما شاء الله عليه في وجهه سعادة المنتصر الراضي بقضاء الله القادر على التعامل مع حياته
لا أعتقد أنك أسوأ حالا منه !!!!!!
كل الأفكار التي تقدم الزملاء بها أفكار رائعة ولكن ماذا أعددت لنفسك ؟؟؟؟؟
خريج تكنولوجيا تعليم بدون دورات كمبيوتر أو لغة أجنبية واحدة على الأقل = صفر كبيييييييييييييييييييييييييير
انا اعمل في التربية والتعليم منذ عام 2002 شهر مايو تحديدا مرتبي بعد إضافة كادر المرحلة الأولى 390 ولم نحصل في المدرسة للآن على كادر المرحلة الثانية .
تفتكر ان ده دخل يفتح بيت ؟؟؟
لا أظن انك انسان مظلم زكئيب ومقهور وغير قادر على العطاء بالقدر الذي وصل لي من حديثك عن نفسك
اقسم بالله ان كل منا لديه قدرة غير عادية على الإنتاج في أحد المجالات المهم تعرف ما هو هذا المجال وتحاول توجيه طاقتك إليه
على العموم فيه بعض الحاجات اللي ممكن تساعد في البداية تعرف تعد
آه بالمناسبة كلها تعتمد على وجود كمبيوتر خاص بك مش مشكلة بكام الجهاز الجديد اليومين دول يعمل في حدود 1500 جنيه لا أعتقد انها معضلة كرأس مال مشروع !!!
1- نسخ اسطوانات لمن يرغب وهذا يتطلب ان كل ما تستطيع ان تجمعه تخزنه لديك لحين طلبه
2- تحويل شرائط الفيديو إلى اسطوانات عليها الأفلام الموجودة على الشرائط وعلى فكرة شغالة زي الفل وأعتقد ان ايجار فيديو لمدة يوم او اثنين لتسجيل الشرائط لن يكون مكلفا خاصة عندما تعلم ان متوسط سعر تحويل الساعة من فيديو الى كمبيوتر من 10 غلى 15 جنيه في الاماكن الفقيرة . وعلى فكرة لو أضفت إلى جهازك كارت VGA به مخرج TV-OUT تستطيع عمل العكس اي تحويل فيلم الكمبيوتر إلى فيديو وهذه الاكمانية غير متوافرة لدى الكثير
3- اتعلم برنامج فوتوشوب اي اصدار واشتغل في مجال التصميمات وعلى فكرة مكسبها جميل جدا
4- اتعلم برنامج 3D Studio واشتغل ايضا في مجال التصميمات ثلاثية الأبعاد وعلى فكرة اعرف واحد صاحبي خريج تربية نوعية فنون بعد ان اخذ دورة ثري دي ستوديو والشهادة الخاصة بها حاليا الله اكبر عليه بيشتغل مصمم في سيراميك كليوباترا بدون واسطة حتى لا تقلق
كل هذه افكار ولكن القرار الاخير بيدك انت
الشاهد ان مجالات العمل كثير وموجودة بس لمن يريد ان يعمل فعلا
وبالمناسبة العمل يولد عمل بس فيه تعب والكسل ميجيبش فلوس بس سهل
تحب تتعب ام تريد الطريق السهل

[memo_78]

السلام عليكم ورحمة الله وبركاته
الإخوة الأعزاء
على فكرة الكلية جميلة جدا وأنا أعتبر من القلائل الذين يشكرون فيها والدليل على صحة كلامي أن أي نشاط يتم داخل المدرسة أو على مستوى العملية التعليمية على وجه العموم يعتبر منحصر في النشاطات الفنية أو الموسيقية أو الأشغال الفنية لطلبة الاقتصاد المنزلي أو في مجالات تكنولوجيا التعليم العديييييييييييييدة ولكن بالنسبة لتكنولوجيا التعليم بالذات أن خريج أي كلية تربية أي قسم كان عربي انجليزي رياضيات علوم دراسات .... إلخ يستطيع أن يعمل في المجال الخاص بدون الحاجة الى الاطلاع إلى المستحدثات الجديدة التي طرأت على المجال لأن المادة التعليمية بالنسبة له تكاد تكون محدودة بالمنهج الدراسي فقط أما بالنسبة لخريج قسم تكنولوجيا التعليم بالذات فيجب ولابد له من أن يكون مواكب للعصر وساير للتطور فلا يجب أن يقول أنا تخرجت ولا أجد عملا لأن العمل يحتاج إلى المزيد بعد التخرج حيث يحتاج إلى ما يلي كله أو بعضه حسب استطاعة وحسب قدرته :
1- دورات في مختلف المجالات ( طبعا بالنسبة للحاسب الآلي ) ويا ليت بشهادات معتمدة
2- القراءة المستمرة في المجال حتى يكون مع الركب
3- العمل في أي مجال متعلق بالتخصص ( تكنولوجيا التعليم ) وما أكثر المجالات ولو بأجر زهيد
4- الصبر ثم الصبر ثم الصبر فلا يتحقق شيء بين يوم وليلة ولا في خلال الشهر القادم ولكنه سيتحقق
5- خامسا والتي يجب أن تكون أولا التقرب إلى الله والثقة في أننا ضيوف الله في أرضه وأن ما عنده خير حتى ولو تأخر قليلا فالرزق بيد الله وهو آت لا محالة ولكنه يحتاج إلى السعي
6- توسيع دائرة المعارف والانتشار قدر المستطاع
أخيرا دعائي لكل من دخل هذا المجال بالتوفيق في حياته الشخصية والمهنية والتي تجعل المرء يشعر فعلا بأنه لكل مجتهد نصيب

[blablman]

يا أبو حمزة أخى اليأس ليس ليس حل مقبول ولا فائدة منه يجب أن تحاول ولا تمل من المحاولة أنا سجلت فى المنتدى مخصوص علشان أكلمك لان أنا شفت لنفسى لحظات يأس زى دى و لكن ما أنقذنى أننى لم أمل من المحاولة أنا جربت مشاريع كتير و فشلت فى الأول لكن لم أكف عن المحاولة و هذا سبب نجاحى أنا علمت نفسى بنفسى مجال الصيانة و المبيعات فى وقت كان النت فيه فقر عربيا و كان باهظ التكاليف و لكنى بحثت و تعلمت و كانت الكتب قليلة و من له خبرة أقل لذلك بأقول لك حاول تبدأ شغلك بنفسك تعلم الصيانة و اعمل فى ترويج الأجهزة بعموله مع احدى الشركات و الأفكار كثيرة المهم انك تبدأ و انا لو أقدر أعملك حاجة قولى

[نور الصبا]

سلام عليكم
ايه يا استاذ كل ده ، وبعدين حضرتك بتشتغل ، مش احسن برضه من القعدة فى البيت واللى تبات فيه تصبح فيه
وبصراحة مش لاقية كلام ، الاساتذة قالوا المفيد
وعجبنى اوى الرأى بتاع استخدام التكنولوجيا فى المجال اللى حضرتك شغاااال فيه دلوقتى والحمد لله
ربنا يوفقك ولو لقيت فرصة شغل كويسة ياريت تقول عشان تفيدنا لو كان المجال كويس او مش كويس
مع العلم ان مفيش حاجة مش كويسة
واتمنى انك تقرأ للدكتور ابراهيم الفقى رائد علم التنمية البشرية ، صدقنى هتفيدك فى حياتك
وعلى فكرة أبدا عمر ما اليأس هينفع لازم تقوم وتقع عادى وان شاء الله تنجح

[raaaaa]

اعظم مصيبه حدثت فى القرن العشرين هى قنبله هيروشيماوناجازاكى لكن هل اليابانيون استسلموا بدا من تحت الصفر بمليون درجه والنهارده هم اعظم ناس فى الاخحتراعات وتصغير الاشياء لذلك اخى ايبو حمزه ابدا صفحة جديده ومن اول السطر اكنتب :
بسم الله الرحمن الرحيم
1-ان شاء الله اعمل .......................
2-ان شاء الله اعمل .......................
وهكذا حدد